प्रधानमन्त्रीले चैत ६ गते विश्वासको मत लिने
बिहीबार, चैत २, २०७९
सत्तारुढ गठबन्धनको बैठक निष्कर्षविहिन
बुधबार, चैत १, २०७९
काठमाडौँ । उपराष्ट्रपति निर्वाचनबारे समझदारी कायम गर्न भन्दै बसेको १० दलको बैठक बिनानिष्कर्ष टुंगिएको छ । प्रधानमन्त्रीको निवास बालुवाटारमा बुधबार साँझ बसेको बैठक भोलि ९बिहीबार० बस्ने गरी टुंगिएको नेकपा माओवादी केन्द्रका उपमहासचिव शक्तिबहादुर बस्नेतले जानकारी दिए ।
विश्वासको मत लिएर मन्त्रिपरिषद बिस्तारको तयारी
बुधबार, चैत १, २०७९
काठमाडौँ । प्रधानमन्त्री पुष्पकमल दाहालले विश्वासको मत लिएपछि मात्रै मन्त्रिपरिषद् विस्तार गर्ने भएका छन् । राष्ट्रपति निर्वाचनमा बनेको नयाँ गठबन्धनका कारण एमाले र राप्रपाले समर्थन फिर्ता लिएपछि प्रधानमन्त्री दाहाल विश्वासको मत लिने तयारीमा छन् । एमाले र राप्रपाले सरकार छाड्नुका साथै समर्थन पनि फिर्ता लिएका थिए ।
राष्ट्रपति पौडेल सोमवारदेखि शितलनिवासमा
सोमबार, फागुन २९, २०७९
काठमाडौं । राष्ट्रपति रामचन्द्र पौडेल आजदेखि राष्ट्रपति भवन शितलनिवास सर्ने भएका छन् । पौडेल बोहोराटारस्थित निजी निवासमा बस्दै आएका थिए । दिउँसो १ बजे शपथ ग्रहण गरेपछि पौडेल शीतलनिवासमै रहनेछन् । राष्ट्रपति कार्यालयका अनुसार निवर्तमान राष्ट्रपति विद्यादेवी भण्डारी आजै शीतलनिवासबाट बूढानीलकण्ठस्थित निजी निवासमा सर्नेछिन् ।
उपराष्ट्रपतिमा चार जनाकै उम्मेदवारी कायम
आइतबार, फागुन २८, २०७९
काठमाडौं । निर्वाचन आयोगले उपराष्ट्रपतिमा उम्मेदवारी दिएका चारै जनाको उम्मेदवारी कायम गर्न निर्णय गरेको छ । जनता समाजवादी पार्टीका नेता रामसहाय प्रसाद यादवको उम्मेदवारी बिरुद्ध उजुरी परेपनि आयोगले उम्मेदवारी कायमै राख्ने निर्णय गरेको हो ।
‘पाँच महिनाभित्र काम गर्न नसके गठबन्धनको औचित्य छैन’
आइतबार, फागुन २८, २०७९
काठमाडौँ । नेपाली कांग्रेसका महामन्त्री गगन थापाले जनतालाई आषा जगाउने समय प्रधानमन्त्रीसँग ४÷५ महिनामात्रै भएको टिप्पणी गरेका छन् । अर्थतन्त्र सुधारका लागि समयको अभाव बुझ्न सक्नुपर्ने भन्दै महामन्त्री थापाले अहिलेको सरकारलाई नागरिकले काम गर्नका लागि ४/५ महिनाको समयमात्रै दिने बताए ।
उपराष्ट्रपतिमा यादवको उम्मेदवारी रद्ध नहुने
आइतबार, फागुन २८, २०७९
काठमाडौं । निर्वाचन अधिकृतको कार्यालयले उपराष्ट्रपति पदका उम्मेदवार रामसहाय प्रसाद यादवको उम्मेदवारी रद्ध नगर्ने भएको छ । यादवको उम्मेदवारी बिरुद्ध उजुरी परेपनि निर्वाचन अधिकृतको कार्यालयले उनको उम्मेदवारी कायमै राख्ने निर्णय गरेको हो ।
उपराष्ट्रपतिमा एमालेबाट अष्टलक्ष्मी शाक्यको उम्मेदवारी
शनिबार, फागुन २७, २०७९
काठमाडौँ । उपराष्ट्रपति पदका लागि नेकपा एमालेको तर्फबाट उपाध्यक्ष अष्टलक्ष्मी शाक्यको उम्मेदवारी दर्ता भएको छ । शनिबार नयाँ बानेश्वरस्थित संसद् भवनमा रहेको राष्ट्रपति तथा उपराष्ट्रपति निर्वाचन अधिकृतको कार्यालय पुगेर शाक्यले उम्मेदवारी दर्ता गरेकी हुन् । उपराष्ट्रपतिमा उम्मेदवारी दर्ता गरेकी शाक्य वाग्मती प्रदेशकी पूर्वमुख्यमन्त्रीसमेत हुन् ।
उपराष्ट्रपतिमा सत्ता गठबन्धनबाटै ३ जना उम्मेदवार
शनिबार, फागुन २७, २०७९
काठमाडौँ । उपराष्ट्रपतिमा सत्ता गठबन्धनबाटै ३ जना उम्मेदवार बन्ने भएका छन् । शनिबार बिहान प्रधानमन्त्री निवासमा बसेको गठबन्धनको बैठकमा सहमति नजुटेपछि सत्ता गठबन्धन दलहरुबाटै तीन जनाको उम्मेदवारी दर्ता हुने भएको हो । जनमत पार्टीबाट १ जना र जनता समाजवादी पार्टीबाट २ जनाले उम्मेदवारी दिने बताईएको छ ।
प्रचण्ड बिरुद्ध मुद्धा दर्ता गर्ने अदालतको आदेशप्रति माओवादीको आपत्ती
आइतबार, फागुन २१, २०७९
काठमाडौं । नेकपा माओवादी केन्द्रले अध्यक्ष पुष्पकमल दाहाल प्रचण्ड बिरुद्ध मुद्धा दर्ता गर्न सर्वोच्च अदालतले दिएको आदेशप्रति आपत्ती जनाएको छ । अदालतको आदेश सत्य निरुपण तथा बेपत्ता आयोगको क्षेत्राधिकारका बिपरित भएको भन्दै माओवादीले कारबाही अगाडि नबढाउन चेतावनी दिएको हो ।
माओवादी पनि जातीय पहिचानको बिपक्षमा !
बिहीबार, फागुन १८, २०७९
काठमाडौं । प्रदेश १ को नामाकरणको सन्दर्भमा नेकपा (माओवादी केन्द्र) जातीय पहिचानको बिपक्षमा उभिएको छ । ‘किराँत–लिम्बुवान–सगरमाथा’ लाई अस्वीकृत गर्दै प्रदेश–१ को नाम कोशी राख्न उसले समर्थन जनाएको छ । नेपाली कांग्रेस र एमालेले ल्याएको कोशी प्रदेश नामाकरण प्रस्तावको पक्षमा माओवादी सांसद सहित ८२ मत परेको छ ।
एमाले सरकारबाट बाहिरियो, सरकारलाई दिएको समर्थन फिर्ता
सोमबार, फागुन १५, २०७९
काठमाडौँ । नेकपा एमालेले सरकारबाट बाहिरिएको छ । पार्टी सचिवालयको सोमबार बिहान बसेको बैठकले सरकारलाई दिएको समर्थन फिर्ता लिएर सरकारबाट बाहिरिने निर्णय गरेको हो । सोही अनुसार एमालेका मन्त्रीहरुले प्रधानमन्त्री पुष्पकमल दाहाललाई राजीनामा बुझाएका छन् ।
प्रधानमन्त्रीको फोनपछि परराष्ट्रमन्त्रीको जेनेभा भ्रमण रोकियो
आइतबार, फागुन १४, २०७९
काठमाडौँ । प्रधानमन्त्री पुष्पकमल दाहालले परराष्ट्रमन्त्री विमला राई पौड्यालको जेनेभा भ्रमण रोकिदिएका छन् । मानवअधिकार परिषद्को ५२ औं सत्रमा सहभागी हुन मन्त्री पौडेल आइतबार साँझ जेनेभा जाने कार्यक्रम थियो । तर भ्रमणमा जानुअघि प्रधानमन्त्री दाहालले भ्रमण रोकेको मन्त्री पौडेलको सचिवालयले जनाएको छ ।
साताको लोकप्रीय
