साझावोली :: Sajha Boli :: Nepal’s Reliable Digital Newspaper

काठमाण्डौंबाट हराएका मोटरसाईकल दोलखामा धमाधम बरामद हुँदै आइतबार, चैत १३, २०७८ चरिकोट–काठमाण्डौंबाट हराएका मोटरसाईकलहरु धमाधम दोलखामा फेला पर्न थालेका छन् । जिल्ला प्रहरी कार्यालय दोलखाले बरामद गरेको १० वटा मोटरसाईकल मध्ये ३ वटा काठमाण्डौंबाट हराएको पत्ता लागेको छ ।

एमसीसी र पेट्रोलियम पदार्थको मुल्यबृद्धिको बिरोधमा दोलखामा बिप्लव नेकपाको प्रदर्शन बुधबार, माघ २६, २०७८ सिंगटी - नेपाल कम्युनिस्ट पार्टी (नेकपा) दोलखाले जिल्लाको उत्तरी क्षेत्रको व्यापारिक केन्द्र सिङटी बजारमा एमसीसी बिरुद्ध प्रदर्शन गरेको छ । एमसीसी खारेजी र पेट्रोलियम पदर्थको चर्को मुल्य वृद्धिको बिरोधमा बिप्लव नेतृत्वको नेकपाले प्रदर्शन गरेको हो ।

एमालेको स्थानीय संगठन कमिटि नागरिकको उद्धार र राहातमा सक्रिय बुधबार, माघ ५, २०७८ चरिकोट । नेकपा एमाले शैलुङ गाउँपालिका ८ नम्बर वडा कमिटिको पहलमा बृद्धबृद्धा, एकल महिला तथा अपांगहरुलाई राहात सहयोग गरिएको छ । काठमाण्डौं वडा सम्पर्क मञ्च र विभिन्न समाजसेवीबाट आर्थिक सहयोग जुटाएर वडा कमिटिले न्यानो ज्याकेट, खाद्यन्न वितरणका साथै लकडाउनको समयमा काठमाण्डौंबाट नागरिकको उद्धार गरेको हो ।

ग्रीसमा भएको दुर्घट्नामा दोलखाका एक सहित चार जना नेपालीको मृत्यु बुधबार, पुस ७, २०७८ काठमाण्डौं - मंसिर पहिलो साता ग्रिसमा भएको सवारी दुर्घटनामा मृत्यु भएका चार जना नेपालीहरुको सनाखत भएको छ । उनीहरु गैरकानुनी रुपमा टर्कीबाट ग्रिस प्रवेश गर्ने क्रममा गाडी दुर्घटनामा परेका हुन् ।

उधौली (भुमेपूजा), योमरी पुन्ही र धान्यपूर्णिमा हर्षोल्लासपुर्वक मनाईंदै आइतबार, पुस ४, २०७८ काठमाडौं - किरात समुदायले आज उधौली पर्व (भुमेपूजा) हर्षोल्लासपुर्वक मनाउँदैछन् । यस दिन खेतीपाती राम्रो भयो, काम सकियो, अब अन्नको सह बसोस्, खाद्यान्नको अभाव नहोस् भनी भूमेस्थान र साकेलास्थानमा पूजा गरी उधौली पर्व मनाउने परम्परा रहेको छ । प्रकृतिको पूजा गर्ने र प्रकृतिलाई भगवान्का रुपमा मान्ने किरात समुदायले खेतीपातीमा केही...

एक महिनाअघि ईराक पुगेका दोलखालीको बाढीले बगाएर मृत्यु शनिबार, पुस ३, २०७८ काठमाडौँ - ईराकमा बाढीले बगाउँदा दुई जना नेपालीले ज्यान गुमाएका छन् । इराकको स्वशासित राज्य कुर्दिस्तानमा शुक्रबार बढीले बगाउँदा दोलखाका पाल्देन शेर्पा र मोरङका औराज राईको मृत्यु भएको हो । उनीहरुको पुरा ठेगाना खुल्न सकेको छैन ।

चरिकोटमा तीनदिने आधारभूत पत्रकारिता तालिम आइतबार, मंसिर २६, २०७८ चरिकोट – दोलखा सदरमुकाम चरिकोटमा आईतवारदेखि तीन दिने आधारभुत पत्रकारिता तालिम सुरु भएको छ । आदिवासी जनजाति पत्रकार महासंघ (फोनिज) दोलखाले तालिमको आयोजना गरेको हो । भीमेश्वर नगरपालिकाको आर्थिक सहयोगमा आयोजना गरिएको तालिममा तीन दर्जन प्रशिक्षार्थीहरुको सहभागिता छ ।

सुनखानी-साङ्वा सडक कालोपत्रेका लागि वोलपत्र आव्हान, फागुनदेखि काम सुरु हुने बुधबार, मंसिर २२, २०७८ चरिकोट – दोलखाको उत्तरी क्षेत्रलाई सदरमुकामसँग जोड्ने सुनखानी–साङ्वा सडक कालोपत्रेका लागि वोलपत्र आव्हान भएको छ । सिन्धुपाल्चोक स्थित भौतिक पुर्वाधार विकास कार्यालयलले सडकको डिजिटल सर्वेक्षणपछि बुधवार वहुवर्षीय ठेक्का लगाउनेगरी वोलपत्र आव्हान गरेको हो ।

मुडे-चरिकोट सडकको ठेक्का तोड्ने तयारी सोमबार, मंसिर २०, २०७८ काठमाडौं - सरकारले मुडे चरिकोट सडकको ठेक्का तोड्ने तयारी गरेको छ । उक्त सडक विस्तार तथा कालोपत्रेको लागि ठेकेदार कम्पनिसँग भएको सम्झौता तोड्दै उसलाई कालोसूचीमा राख्ने तयारी भएको हो । भौतिक पूर्वाधार मन्त्रालयका सचिव रविन्द्रनाथ श्रेष्ठले यसै साता ठेकेदारलाई कालोसूचीमा राखेर ठेक्का तोड्ने जानकारी दिए ।

नेपालमा कोरोनाको ओमिक्रोन भेरिएन्ट भित्रिएको पुष्टी सोमबार, मंसिर २०, २०७८ काठमाडौँ - नेपालमा कोरोनाको ओमिक्रोन भेरिएन्ट भित्रिएको पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा पनि ओमिक्रोन भेरिएन्टका संक्रमित फेला परेका हुन् । ६६ वर्षीय विदेशी नागरिक र उनको सम्पर्कमा आएका ७१ वर्षीय व्यक्तिलाई ओमिक्रोन भेरिएन्ट देखिएको मन्त्रालयले पत्रकार सम्मेलन गरी जानकारी दिएको हो ।

श्रीमती हत्या अभियोगमा रामेछाप मन्थलीका पुरुष पक्राउ सोमबार, मंसिर २०, २०७८ मन्थली - श्रीमतीको हत्या गरेको आरोपमा रामेछापका एकजना पुरुषलाई प्रहरीले पक्राउ गरेको छ । पक्राउ पर्नेमा रामेछाप मन्थली नगरपालिका-१२ गेलु घर भएका ३५ वर्षीय एक्काराज भुजेल रहेका छन् ।

दोलखाका युवक गुण्डागर्दी गर्दै रकम असुली गरेको आरोपमा पक्राउ सोमबार, मंसिर २०, २०७८ काठमाण्डौं - गुण्डागर्दी गर्दै रकम असुल गरेको अभियोगमा प्रहरीले दुई जना युवकलाई पक्राउ गरेको छ । महानगरिय प्रहरी अपराध महाशाखाबाट खटि गएको प्रहरीको विशेष टोलीले उनीहरुलाई काठमाण्डौंका मित्रपार्कबाट पक्राउ गरेको हो । उनीहरु काठमाण्डौको पानीपोखरी स्थित युनिभर्सल ईन्टरनेशनल मेनपावर कम्पनिका सञ्चालकलाई धम्की दिई रकम असुलेको अभियोगमा पक्राउ परेको प्रहरीले जनाएको...