देउवा भन्छन् : सरकारमा जाने र अविश्वास प्रस्ताव ल्याउने योजना छैन,
मोरङ — कांग्रेस सभापति शेरबहादुर देउवाले कांग्रेस तत्काल सरकारमा नजाने स्पष्ट पारेका छन् । विराटनगरमा मंगलबार पत्रकारसँग भएको भेटमा देउवाले कांग्रेस सरकारमा जाने हतारोमा नरहेको बताए । विपक्षी पार्टी भएकाले कांग्रेस सरकारमा नजाने उनको भनाई छ ।
देउवाले प्रधानमन्त्री केपी शर्मा ओलीविरुद्ध अविश्वासको प्रस्ताव नल्याउने पनि प्रष्ट्याए । कांग्रेस बिपक्षी पार्टी भएकोले अविस्वासको प्रस्ताव नल्याउने उनको तर्क छ । ‘कांग्रेसले सरकार बनाउँदैन,’ उनले भने, ‘विपक्षी पार्टी सरकारमा जाने कुरो हुँदैन ।’
कांग्रेस अहिलेको सरकारलाई स्विकारेरै अघि बढ्छ त ? भन्ने प्रश्नमा उनले भने ‘कांग्रेस विपक्षी पार्टी हो, विपक्षमै रहन्छ ।’
प्रकाशित मिति: मंगलबार, चैत १०, २०७७ १५:४९
प्रतिक्रिया दिनुहोस्
थप राजनीति
साताको लोकप्रीय
