तामाकोसी नदिमा हाम्फालेकी वैतेश्वरकी महिलाको मृत्यु
चरिकोट - दोलखाको तामाकोशी नदीमा हाम्फालेर एक जना महिलाले आत्महत्या गरेकी छिन् । बैतेश्वर गाउँपालिका वडा नम्बर ७ डाँडाटोल निवासी राजन ढुंगेलकी अन्दाजी ४६/४७ श्रीमती कल्याणी ढुंगेलले नदीमा हाम्फालेर देह त्याग गरेकी हुन् ।
बिहान पौने ९ वजेको समयमा नदीमा हाम्फालेकी उनको शव बैतेश्वर गाउँपालिका ६ मा पर्ने नदीमा ढुंगामा च्यापिएको अवस्थामा फेला परेको प्रहरीले जनाएको छ ।
ती महिला भीमेश्वर नगरपालिका ५ बाट तामाकोसी नदिमा हाम्फालेकी थिईन । प्रहरीका अनुसार महिलाको शवलाई सदरमुकाम चरिकोट स्थित प्राथमिक स्वास्थ्य केन्द्रमा पोष्टमार्टम पछि आफन्तको जिम्मा लगाईएको छ । घटना बारे थप अनुसन्धान भइरहेको प्रहरीको भनाइ छ ।
प्रकाशित मिति: शनिबार, पुस ४, २०७७ १५:२०
प्रतिक्रिया दिनुहोस्
साताको लोकप्रीय
