दोलखाको विगु गाउँपालिकामा बोलेरो दुर्घट्ना हुँदा चालकको मृत्यु, एक जना घाईते
चरिकोट - दोलखाको विगु गाउँपालिकामा सवारी दुर्घट्नामा एक जनाको मृत्यु भएको छ । मृत्यु हुनेमा गौरीशंकर गाउँपालिका वडा नम्बर ८ खारेका २४ वर्षिय युवक सुविन तामाङ रहेका छन् । उनी दुर्घट्ना भएको बोलेरो चालक हुन् ।
विगु गाउँपालिकाको ठोक्रेबाट सिंगटी आउने क्रममा बा २० च ४३७३ नम्बरको बोलेरो लाईसेप भन्ने स्थानमा दुर्घट्ना भएको जिल्ला प्रहरी कार्यालय दोलखाका प्रहरी निरीक्षक, सूचना अधिकारी अञ्जन कोईरालाले जानकारी दिए । दुर्घट्नामा बोलेरोमा सवार विगु गाउँपालिका वडा नम्बर ५ की २२ वर्षिय कमला तामाङ घाईते भएकी छन् ।
उनको सिंगटी स्थित रोल्वालिंग अस्पतालमा उपचार भैरहेको छ । प्रहरीका अनुसार बोलेरा डेढसय मिटर तल खसेको छ । दुर्घट्नाको कारण खुलिसकेको छैन ।
प्रकाशित मिति: आइतबार, मंसिर २१, २०७७ १०:५४
प्रतिक्रिया दिनुहोस्
साताको लोकप्रीय
