दोलखामा कोरोना संक्रमितको संख्या अढाई सय नाघ्यो
चरिकोट–दोलखामा कोरोना संक्रमितको संख्या अढाई सय नाघेको छ । सोमवार थप ४ जनामा संक्रमण पुष्टि भएपछि संख्या २ सय ५३ पुगेको हो । संक्रमित हुनेमा एक जना महिला र ३ जना पुरुष रहेका छन् ।
सदरमुकाम चरिकोट स्थित प्राथमिक स्वास्थ्य केन्द्रबाट २७ जनाको स्वाब संकलन गरी पीसीआर परीक्षणका लागि पठाईएकोमा एक जना पुरुष र एकजना महिला तथा दोलखा अस्पतालबाट २२ जनाको स्वाब संकलन गरी पठाईएकोमा २ जना पुरुषको रिपोर्ट पोजेटिभ आएको जिल्ला स्वास्थ्य कार्यालय दोलखाले जनाएको छ ।
कोरोना संक्रमण पुष्टि भएकामध्ये २ सय ५ जना निको भएर घर फर्किएका छन् भने ४७ जना अझै उपचारकै क्रममा आईसोलेसनमा छन् ।
प्रकाशित मिति: सोमबार, मंसिर ८, २०७७ १७:११
प्रतिक्रिया दिनुहोस्
साताको लोकप्रीय
