चरिकोट - दोलखा कालिञ्चोक गाउँपालिकामा भालुको आक्रमणबाट एक जना पुरुष गम्भिर घाईते भएका छन् । घाईते हुनेमा कालिञ्चोक गाउँपालिका वडा नम्बर ६ का ६० वर्षिय टहल बहादुर थामी रहेका छन् ।

घरदेखि करिव ५ किलोमिटरको दुरीमा रहेको कडेन सामुदायिक वनमा घाँस काट्न जाने क्रममा उनलाई भालुले आक्रमण गरी घाईते बनाएको हो । उनको दाँया खट्टा, छाती र अनुहानमा चोट लागेको छ ।

घाईतेलाई दोलखा अस्पतालमा प्राथमिक उपचारपछि थप उपचारका लागि काभ्रेस्थित धुलिखेल अस्पताल रिफर गरिएको जिल्ला प्रहरी कार्यालय दोलखाका प्रहरी निरीक्षक, सूचना अधिकारी रुक्सा बज्रचार्यले जानकारी दिईन् ।