दोलखामा कोरोना संक्रमण दर तिब्र, सोमवार थप १० जनामा संक्रमण पुष्टि
चरिकोट - दोलखामा आईतवार थप १० जनामा कोरोना संक्रमण देखिएको छ । यही कात्तिक २२ गते भीमेश्वर नगरपालिका स्थित प्राथमिक स्वास्थ्य केन्द्रबाट स्वाब संकलन गरी पठाईएका मध्ये १० जनाको पीसीआर रिपोर्ट पोजेटिभ आएको हो ।
पीएचसीबाट २३ जनाको स्वाब पीसीआर परीक्षणका लागि धुलिखेल अस्पताल पठाईएको थियो । कोरोना संक्रमण पुष्टि हुनेमा ४ जना पुरुष र ६ जना महिला रहेको जिल्ला स्वास्थ्य कार्यालयले जनाएको छ ।
दोलखामा शनिवार मात्रै २९ जनामा कोरोना संक्रमण पुष्टि भएको थियो । पछिल्लो समय दोलखामा लगातार संक्रमण दर उच्च बन्दै गएको छ ।
प्रकाशित मिति: सोमबार, कात्तिक २४, २०७७ १७:३०
प्रतिक्रिया दिनुहोस्
साताको लोकप्रीय
