दोलखामा शुक्रवार १० जना कोरोना संक्रमित थपिए
चरिकोट — दोलखामा शुक्रवार १० कोरोना संक्रमित थपिएका छन् । प्राथमिक स्वास्थ्य केन्द्र चरिकोट र बैतेश्वर गाउँपालिकाबाट यही कात्तिक १८ र १९ गते स्वाब संकलन गरी पठाईएका मध्ये १० जनाको पीसीआर परीक्षण रिपोर्ट पोजेटिभ आएको हो ।
जसमा ५ जना महिला र ५ जना महिला रहेका छन् । प्राथमिक स्वास्थ्य केन्द्रबाट पठाईएका २३ मध्ये ९ र बैतेश्वर गाउँपालिकाबाट पठाईएको ३ जनाको स्वाब मध्ये १ जनाको रिपोर्ट पोजेटिभ आएको जिल्ला स्वास्थ्य कार्यालय दोलखाले जनाएको छ ।
योसँगै जिल्लामा सक्रिय कोरोना संक्रमितको संख्या ८५ पुगेको छ । दोलखामा हालसम्म १ सय ७१ जनामा संक्रमण देखिएकोमा बाँकी निको भएर घर फर्किसकेका छन् ।
प्रकाशित मिति: शुक्रबार, कात्तिक २१, २०७७ १५:५२
प्रतिक्रिया दिनुहोस्
साताको लोकप्रीय
