दोलखामा फेरी थपिए १० जना कोरोना संक्रमित
चरिकोट - दोलखामा १० जना नयाँ कोरोना संक्रमित थपिएका छन् । यही कात्तिक १३ गते दोलखा अस्पतालमा स्वाब संकलन गरी पीसीआर परीक्षणका लागि पठाईएकोमा १० जनाको रिपोर्ट पोजेटिभ आएको हो ।
जसमा १ जना महिला र ९ जना पुरुष रहेका छन् । कोरोना पुष्टि हुनेमा प्रायः सबै माथिल्लो तामाकोसी जलविद्युत आयोजनामा कार्यरत कर्मचारी रहेको स्रोतले जनाएको छ । यसअघि पनि आयोजनाको काठमाण्डौं स्थित केन्द्रिय कार्यालयका कर्मचारीहरुलाई संक्रमण देखिएको थियो । कर्मचारीहरुमा संक्रमण पुष्टि भएपछि आयोजनाको काम प्रभावित हुने सम्भावना छ ।
यो पटक आयोजनामा कार्यरत २५ कर्मचारी र २ जना सर्बसाधारण नागरिकको स्वाब परीक्षणका लागि पठाईएको थियो । पछिल्लो समय दोलखामा लगातार कोरोना संक्रमितहरुको संख्या बढ्न थालेको छ ।
प्रकाशित मिति: शनिबार, कात्तिक १५, २०७७ १४:१८
प्रतिक्रिया दिनुहोस्
साताको लोकप्रीय
