दोलखामा कोरोना संक्रमित थपिँदै, थप दुई जनामा संक्रमण पुष्टि
चरिकोट - दोलखाको तामाकोसी गाउँपालिकामा कोरोना (कोभिड १९) को संक्रमण बढ्न थालेको छ । सोमवार वडा नम्बर ६ घर भएका थप दूई जनालाई संक्रमण पुष्टि भएको हो । संक्रमण पुष्टि हुनेमा १४ वर्षिय वालक र २१ वर्षिया युवती रहेका छन् ।
यही असोज २३ गते ८ जनाको स्वाब संकलन गरी पीसीआर परीक्षणका लागि धुलिखेल पठाईएकोमा दुई जनाको रिपोर्ट पोजेटिभ आएको जिल्ला स्वास्थ्य कार्यालय दोलखाले जनाएको छ । उनीहरु सदरमुकाम चरिकोट बस्दै आएका थिए ।
उनीहरुको स्वाब पनि प्राथमिक स्वास्थ्य केन्द्र चरिकोटमै संकलन गरिएको थियो । कोरोना पुष्टि भएपछि उनीहरुलाई चरिकोट स्थित आईसोलेसनमा राखेर उपचार गर्ने तयारी छ । तामाकोसी गाउँपालिकामा यसअघि ६ जनालाई कोरोना संक्रमण पुष्टि भैसकेको छ ।
प्रकाशित मिति: सोमबार, असोज २६, २०७७ १६:०७
प्रतिक्रिया दिनुहोस्
साताको लोकप्रीय
