नेपालमा कोरोना संक्रमितको संख्या १ लाख नाघ्यो, ६ सयको मृत्यु
काठमाडौँ — नेपालमा कोरोना (कोभिड १९) बाट संक्रमितको संख्या एक लाख नाघेको छ । पछिल्लो २४ घन्टामा २ हजार ५९ जनामा कोरोना संक्रमण पुष्टि भएसँगै संक्रमितको संख्या १ लाख ६७६ पुगेको हो ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा कोरोनामुक्त भएर १६ सय ८० जना डिस्चार्ज भएका छन् । हालसम्म नेपालमा कोरोनामुक्त हुनेको संख्या ७३ हजार २३ जना पुगेको छ ।
मन्त्रालयको नियमित प्रेस ब्रिफिङका क्रममा शुक्रबार प्रवक्ता डा जागेश्वर गौतमले पछिल्लो २४ घन्टामा नेपालमा थप १० जनाको कोरोना संक्रमणबाट मृत्यु भएको जानकारी दिए ।
योसँगै नेपालमा कोरोना संक्रमणबाट मृत्यु हुनेको संख्या ६०० पुगेको छ । आइसोलेसनमा रहने कोरोना संक्रमित २७ सय ५३ जना छन् । जसमध्ये ४ हजार ७३ जना क्वारेन्टाइनमा रहेका छन् ।
प्रकाशित मिति: शुक्रबार, असोज २३, २०७७ १९:३०
प्रतिक्रिया दिनुहोस्
साताको लोकप्रीय
