काठमाण्डौं - नेपालीहरुको महान पर्व बडादशैं र तिहारको पुर्वसन्ध्यामा नयाँ लोक दोहोरी गीत तिम्रो रुपैले बजारमा आएको छ । हालै रिलिज भएको उक्त गीतमा हरि डिसीको शब्द र चन्द्र थामीले संगित भरेका छन् । यस्तै चर्चित गायक राजु परियार र सिर्जना मगर (थामी) ले स्वर दिएका छन् ।
लोकप्रिय मोडल शंकर विसीको निर्देशनमा तयार पारिएको म्युजिक भिडियो ग्यालेक्सी म्यूजिक युट्युव च्यानलमार्फत सार्वजानिक हालै गरिएको छ । हिन्दु नेपालीहरुको मुख्य पर्व दशैतिहारको पुर्वसन्ध्यामा सार्वजानिक गरिएको गीत र म्यूजिक भिडियोमा युवायुवतीबीच हुने मायाप्रेमको भाव चित्रण गर्न खोजिएको छ ।
गीतमा संगित दिएका चन्द्र थामीले निक्कै मेहिनेतका साथ म्यूजिक भिडियो तयार पारिएकाले स्रोता दर्शकले मन पराउने विस्वास व्यक्त गरे । म्युजिक भिडियोमा मोडल विसी सहित दुर्गा पौडेल, सोनाम गुरुंग लगायतका कलाकारहरुले अभिनय गरेका छन् भने भिडियोको सम्पादन नविन घर्ति मगरले गरेका छन् ।
