काठमाण्डौं - नेपालीहरुको महान पर्व बडादशैं र तिहारको विषय समेटिएको दशैंपछि तिहार आउनी वोलको गीत बजारमा आएको छ । उद्धव घिमिरेको शब्द/संगित रहेको उक्त गीतमा गायक रामकृष्ण थापा र गायिका सवनम आचार्यले स्वर दिएका छन् ।
मिलन श्रेष्ठको निर्देशनमा तयार पारिएको म्युजिक भिडियो फास्ट क्रियसन युट्यूव च्यानल मार्फत हालै सार्वजानिक गरिएको छ । विषम परिस्थिति र पिडाकाबीच पनि खुसिका साथ दशैतिहार मनाउन सकियोस् भन्ने सन्देश प्रवाह गर्ने उदेश्यले यो गीत तयार पारिएको गायक थापाले बताए ।
दशैंतिहारको हर्षोल्लासमा बाध्यताले गाउँघर फर्किन नपाएपनि जहाँ रहेर पनि साथीसंगि र परिवारबीच रमाईलो गर्नुपर्छ भन्ने आव्हान गीतले गरेको छ । शंकरा डिजिटल स्टुडियोमा रेकर्ड गरिएको गीतको एरेन्ज रामकृष्ण थापा आफैले गरेका हुन् । गीतको रेकर्डिङमा सागर पुनले सहयोग गरेका छन् भने मिक्सिङ कुमार पुनले गरेका छन् ।
मिलन फिल्मस्ले तयार पारेको म्युजिक भिडियोमा प्रदिप रोका, आयुस्मा कार्की लगायतका कलाकारहरुले अभिनय गरेका छन् । म्युजिक भिडियोको कोरियोग्राफर अमोन राना हुन् भने क्यामेरामा सन्तोष तिमल्सिना रहेका छन् ।
