चरिकोट - दोलखामा थप ५ जनामा कोरोना संक्रमण देखिएको छ । भिमेश्वर नगरपालिकामा ४ र विगु गाउँपालिकामा २ जनामा संक्रमण पुष्टि भएको हो ।

भीमेश्वर नगरपालिका स्थित प्राथमिक स्वास्थ्य केन्द्रबाट २९ गते ८ जनाको स्वाब संकलन गरी पठाईएकोमा ४ जनाको पीसीआर रिपोर्ट पोजेटिभ आएको छ । 

भीमेश्वर नगरपालिकाका संक्रमित मध्ये दुई जना तारादल गणका सुरक्षाकर्मी र १ जना दुबै जना अविभावक गुमाएका कालिञ्चोक गाउँपालिका १ का ४ जना वालवालिकाको रेखदेखमा खटिएका महिला हुन् । अर्का संक्रमित व्यक्तिबारे एकिन भैसकेको छैन । 

यसैगरी सोही दिन विगु गाउँपालिकाबाट पठाइएको ४ जनाको स्वाब मध्ये २ जनाको रिपोर्ट पोजिटिभ आएको जिल्ला स्वास्थ्य कार्यालय दोलखाले जनाएको छ । संक्रमितहरु सबैको स्वास्थ्य अवस्था सामान्य रहेको बताईएको छ ।