नेपालगन्ज - झारफुक गर्ने भन्दै बोलाएर दुई महिलामाथि बलात्कार गरेको आरोपमा बाँकेमा एक पुजारी पक्राउ परेका छन्। प्रहरीका अनुसार घटना भदौ १० गते राति १२ बजेतिर उक्त घट्ना भएको जाहेरी परेको छ ।

पुजारीले झारफुकको बहानामा युवतीहरुलाई कुटीमै बोलाएर बलात्कार गरेको उजुरी प्रहरीमा परेपछि घटना सार्वजनिक भएको हो । स्थानीय २८ र ३० वर्षीया दुई महिलाले दिएको जाहेरीमा आफुहरुलाई झारफुक गर्ने बहानामा बुधबार कुुटीमै बोलाई जबरजस्ती करणी गरेको आरोप लगाईएको छ ।

जिल्ला प्रहरी कार्यालय बाँकेका प्रमुख, एसपी ओम बहादुर रानाले जिल्लाको डुडुवा गाउँपालिका–५ कम्मरसा बाबाकुटी मन्दिरका ४० वर्षीय पुजारी नजिर महमदले झारफुकको बहानामा कुटीमा बोलाई बलात्कार गरेको उजुरी परेको र अनुसन्धानलाई पुजारीलाई नियन्त्रणमा लिईएको जानकारी दिए ।