देशभर कोरोना संक्रमितको संख्या ३० हजार माथि
काठमाण्डौं - नेपालमा थप ८३८ जनामा कोरोनाभाइरस संक्रमण पुष्टि भएको छ । शुक्रबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा गौतमले पछिल्लो २४ घण्टामा ८३८ जनामा संक्रमण पुष्टि भएको जानकारी दिए ।
योसँगै हालसम्म देशभर कुल संक्रमितको संख्या ३० हजार ४८३ पुगेको छ । प्रवक्ता गौतमका अनुसार काठमाडौंमा १८२, ललितपुरमा २५ र भक्तपुरमा १ जनामा संक्रमण पुष्टि भएको छ ।
पछिल्लो २४ घण्टामा २५० जना डिस्चार्ज भएको गौतमले बताए । हालसम्म निको हुनेको कुल संख्या १८ हजार २१४ पुगेको छ । देशभर सक्रिय संक्रमितको संख्या १२ हजार १३२ रहेको स्वास्थ्य तथा जनसंख्या मन्त्रालयले जनाएको छ ।
देशभर संस्थागत आइसोलेसनमा ८ हजार ५४६ र होम आइसोलेसनमा ३ हजार ५८६ जना रहेका छन् ।
प्रकाशित मिति: शुक्रबार, भदौ ५, २०७७ १८:३८
प्रतिक्रिया दिनुहोस्
साताको लोकप्रीय
