एसईई परीक्षाको नतिजा सार्वजानिक
काठमाडौँ — यो वर्षको एसईई परीक्षाको नतिजा आज सार्वजानिक भएको छ । ४ लाख ७२ हजार ७८ जना एसईई परीक्षार्थीको नतिजा बोर्डले सोमबार सार्वजनिक गरेको हो ।
एसईई परीक्षाका लागि ४ लाख ८२ हजार परीक्षार्थीहरुले आवेदन फारम भरेका थिए । करिब १० हजार जनाको परीक्षा विभिन्न कारणले रद्द भएको बोर्ड अन्तर्गत परीक्षा नियन्त्रण कार्यालय कक्षा १० का परीक्षा नियन्त्रक रामराज खकुरेलले जानकारी दिए ।
बोर्डले १० दिनअघि नै नतिजा प्रकाशित गर्ने तयारी गरेपनि विबार्थीको चहलपहल बढ्ने र कोरोना संक्रमण फैलिने भन्दै थाँती राखिएको थियो । विद्यालयले गरेको आन्तरिक मूल्यांकनलाई आधार मानेर बोर्डले नतिजा प्रकाशन गरेको हो ।
यसवर्षको एसईई परीक्षामा ४ लाख ८२ हजार परीक्षार्थी सहभागि छन् ।
प्रकाशित मिति: सोमबार, भदौ १, २०७७ १८:०७
प्रतिक्रिया दिनुहोस्
साताको लोकप्रीय
