चौतारा - सिन्धुपाल्चोकको जुगल गाउँपालिका वडा नम्बर २ लिदिमा पहिरोले १३ घर पुरिँदा सदस्यहरु बेपत्ता भएका छन् । शुक्रबार बिहान करिब ६ बजेको समयमा पहिरोले १३ घर पुरिँदा ५ घरपरिवारका सदस्यहरु बेपत्ता भएको प्रहरीले जनाएको छ ।

पाँच घर परिवारमा कति जना सदस्य थिए भन्ने एकिन हुन सकेको छैन । १३ वटा घर पुरिएर देखिने अवस्था छैन भने पाँच घर परिवारका सदस्यहरु सम्पर्कमा छैनन्, प्रत्यक्षदर्शीले बताए ।

अन्य परिवारका एक दर्जन बढि मानिसहरु भने पहिरोबाट निस्किएर सुरक्षित स्थानमा गएर बसेको बताईएको छ । स्थानीयका त्यहाँ सो क्षेत्रमा २५–३० घरहरु जोखिममा छन् । घट्नास्थलमा पहिरो जाने क्रम अझै नरोकिएकाले उद्धारमा कठिनाई उत्पन्न भएको छ ।