सिन्धुपाल्चोकको मेलम्चीमा पहिरोमा पुरिएर ८ जना बेपत्ता
चौतारा — सिन्धुपाल्चोकको मेलम्ची नगरपालिका वडा नम्बर ११ मा पहिरोमा पुरिएर ८ जना बेपत्ता भएका छन् । निर्माणाधीन कभर्ड हल पहिरोले पुरिँदा ७ जना नेपाली र एक भारतीय नागरिक बेपत्ता भएका हुन् ।
कभर्ड हल निर्माणमा खटिएका कामदार बेपत्ता भएको सिन्धुपाल्चोक प्रहरीले जनाएको छ । बेपत्ता नेपालीहरु पर्सादेखि काम गर्न आएका थिए । जिल्ला प्रहरी कार्यालय सिन्धुपाल्चोकका प्रहरी नायव उपरीक्षक माधव प्रसाद काफ्लेले निर्माणाधिन कभर्ड हल सोमबार बिहान साढे ३ बजेतिर गैह्रीबजारको केही भाग भासिएर पुरिएको जानकारी दिए ।
घट्नास्थलबाट घाइते ३५ वर्षीय भारतीय नागरिक बारु साहको उद्धार गरिएको छ । घटनास्थलमा सुरक्षाकर्मी र स्थानीयले बेपत्ताको खोजी कार्य गरिरहेका छन् ।
प्रकाशित मिति: सोमबार, साउन १९, २०७७ ०७:४३
प्रतिक्रिया दिनुहोस्
साताको लोकप्रीय
