काठमाण्डौं — सांगितिक दुनियामा निकै चर्चा कमाएकी कलाकार पारु खड्काले तीजलाई लक्षित गरी नयाँ म्यूजिक भिडियो ल्याएकी छिन् । नेपाली नारीहरुको महान् पर्व तीज नजिकिदै गर्दा खड्काको नरोन ए न्याउली चरी वोलको गितले बजार तताउन थालेको छ ।

म्युजिक भिडियोमा पारु खड्का र राजु परियारको स्वर, विष्णु विसीको लय, विमल अधिकारी र सारिका केसीको अभिनय रहेको छ । गायिका कल्पित मिनु कार्कीको शब्द रहेको म्यूजिक भिडियो भावना म्यूजिक सोलुसन युट्युव च्यानलमार्फत हालै रिलिज भएको हो ।

गीतको भिडियोमा विष्णु विसीको निर्देशन, सागर गौतमले छायाङ्कन र दिपक विष्टले सम्पादन गरेका छन् । टिकटकका कारण कतिपय घरपरिवारमा हुने बुढाबुढीको झगडालाई म्युजिक भिडियोमा देखाउन खोजिएको छ ।

गायिका खड्काले यो म्यूजिक भिडियो तीजको बेला यस्ता झगडा कम गर्न सहयोगी हुनसक्ने बताईन् ।