सिंगटीमा माथिबाट खसेको ढुंगा लागेर वडा सदस्य श्रीमतीको मृत्यु
चरिकोट - दोलखाको उत्तरी सिंगटी बजारमा घर माथिबाट आएको ढुंगा लागेर एक युवतीको मृत्यु भएको छ । मृत्यु हुनेमा कालिञ्चोक गाउँपालिका २ बावरे घर भई हाल विगु गाउँपालिका वडा नम्वर ४ सिंगटी बस्दै आएकी ३५ वर्षिय रेणु थामी रहेकी छिन् ।
प्रहरीका अनुसार घरयासी काम गर्दैगर्दा माथितिरबाट एक्कासी खसेको ढुंगा लागेर उनको मृत्यु भएको हो । अविरल बर्षापछि ढुंगा घर भन्दा ५ सय मिटर माथितिरबाट खसेको ढुंगा लागेर गम्भिर घाईते भएकी रेणुलाई उपचारका लागि अस्पताल लैजाँदै गर्दा बीच बाटोमै मृत्यु भएको ईलाका प्रहरी कार्यालय सिंगटीले जनाएको छ ।
माथिबाट खसेको ढंगा जस्ताको छाना छडेर घरभित्र खसेको स्थानीयले बताएका छन् । मृतक कालिञ्चोक गाउँपालिका वडा नम्बर २ का सदस्य जहानसिंह थामीका धर्मपत्नी हुन् । मृतकको शव पोष्टमाार्टमका लागि प्राथमिक स्वास्थ्य केन्द्र चरिकोट राखिएको छ ।
प्रकाशित मिति: मंगलबार, साउन १३, २०७७ १२:५३
प्रतिक्रिया दिनुहोस्
साताको लोकप्रीय
