चौतारा - सिन्धुपाल्चोकमा फेरी पहिरो जाँदा एकै परिवारका ५ जना बेपत्ता भएका छन् । जिल्लाकोे भोटेकोशी गाउँपालिका–४ फुल्पिङकट्टीमा दुईवटा घर पुरिँदा पाँच जना महिला बेपत्ता भएका हुन् ।

गएराति साढे १ बजे आएको पहिरोले गेन्जिङ शेर्पाको घर पुरिँदा बेपत्ता हुनेमा उनकी आमा, बहिनी, श्रीमती र दुई छोरीहरु रहेका छन् । चालक रहेका गेन्जिङ भने घर बाहिर रहेका कारण सकुसल छन् । पहिरोमा ङासम्बु शेर्पाको घर पुरिएपनि कोही नबस्ने भएका कारण मानवीय क्षति नभएको स्थानीयले बताएका छन् । अहिले प्रहरी घट्नास्थल पुगेर उद्धार कार्य सुरु गरेको छ ।

बाढी बढ्दो क्रममा रहेकाले सुनकोसी नदीको तटिय क्षेत्रमा रहेकाहरुलाई सतर्कता अपनाउन मौसम पूर्वानुमान महाशाखाको बाढी सूचना केन्द्रले आग्रह गरेको छ । यसअघि गत असार २४ गते राति सिन्धुपाल्चोककै बाह्रविसे नगरपालिकामा बाढीले घर बगाउँदा ३ जनाको मृत्यु भएको थियो भने २० जना अझै बेपत्ता छन् ।