काठमाडौं - मेलम्ची खानेपानी आयोजनामा कार्यरत दुई जना बेपत्ता भएका छन् । बेपत्ता हुनेहरुमा आयोजनाका एक जना इन्जिनियर र चालक रहेका छन् । सिन्धुपाल्चोकका प्रहरी प्रमुख प्रज्वल महर्जनका अनुसार उनीहरु हेलम्बु गाउँपालिका १ स्थित सुरुङमा छाडिएको पानीमा बगेर बेपत्ता भएका हुन् ।

मेलम्ची आयोजनाको सुरुङमा हाल पानी हालेर परीक्षण कार्य जारी छ । परीक्षणका क्रममा सुरुङमा समस्या देखिएपछि हेर्न गएकाहरुलाई पानीले बगाएको बताईएको छ । बगेका ४ जना मध्ये दुई जनाको भने जिवितै उद्धार गरिएको छ ।

उनीहरुको मेलम्ची अस्पतालमा प्रारम्भिक उपचार पछि थप उपचारका लागि काठमाण्डौं लगिँदैछ । प्रहरीका अनुसार बेपत्ता २ जनाको खोजी कायृ जारी छ ।