दोलखा - दोलखाका दुई जनामा फेरी कोरोना संक्रमण देखिएको छ । दोलखा जिल्ला मेलुङ गाउँपालिकाका २९ वर्षिय पुरूष र भिमेश्वर नगरपालिकाका ३१ वर्षिय महिलामा कोरोना संक्रमण देखिएको हो ।
जिल्ला स्वास्थ्य कार्यालय दोलखाका अनुसार उनीहरुको पीसीआर रिपोर्ट पोजेटिभ आएको छ । जिल्ला स्वास्थ्य कार्यालयका प्रमुख विभु कुमार झाले स्वास्थ्य तथा जनसंख्या मन्त्रालयबाट दुुई जनामा कोराना संक्रमण देखिएको जानकारी प्राप्त भएको जानकारी दिए ।
उनीहरु दुबै जना दोलखाबासि भएपनि कामको शिलशिलामा काठमाडौ बस्दै आएका छन् ।
मन्त्रालयका अनुसार यसअघि पनि राजधानीमा बस्दै आएका दोलखाका एक महिला र पुरुषमा कोरोना संक्रमण पुष्टि भएको थियो ।
दोलखाको गौरीशंकर गाउँपालिकाका २ जना, भिमेश्वर नगरपालिकाका दुई जना, वैतेश्वरकी एक महिलामा यसअघि नै संक्रमण देखिईसकेको छ । भिमेश्वर नगरपालिकाका संक्रमित वृद्धको काठमाण्डौंमा उपचारका क्रममा मृत्यु भैसकेको छ ।
योसँगै दोलखा जिल्लाका संक्रमितहरुको संख्या ९ पुगेको छ ।
