काठमाण्डौं —गायिका स्मिता दाहालको मायालु तिमी भाग २ छिट्टै बजारमा आउने भएको छ । आगामी साउन १ गते उक्त म्यूजिक भिडियो सार्बजानिक गर्ने तयारी छ । म्यूजिक भिडियो सहितको मायालु तिमी भाग २ रिलिज गर्न निर्माण टोली अन्तिम तयारीमा जुटेको छ ।
स्मिता दाहाल र राजनराज शिवाकोटीको स्वरमा सजिएको म्युजिक भिडियोको सरोज ओलीले निर्देशन गरेका छन् भने नायक पल शाह र नायिका स्वस्तिमा खड्काले अभिनय गरेका छन् । राजनराज शिवाकोटीको संगित रहेको म्युजिकमा दिनेश थपलियाले लिरिक्स भरेका छन् ।
गित प्रिज्म स्टुडियोमा रेकर्ड गरिएको हो भने छायांकन संयोजन बालकृष्ण ओली, सम्पादन अर्जुन जिसी र कोरियोग्राफ विक्रम स्वारको रहेको रहेको छ ।
म्यूजिक भिडियोबारे सामाजिक सञ्जालमा स्टाटस लेख्दै गायिका दाहालले मायालु तिमी भाग २ लाई पनि स्रोता दर्शकले पहिलेकै जस्तो माया दिने विस्वास व्यक्त गरेकी छन् । मायालु तिमी भाग १ बजारमा स्रोता दर्शकमाझ निकै लोकप्रिय बनेको थियो ।
