एजेन्सी - अमेरिकी राष्ट्रपति डोनाल्ड ट्रम्पविरूद्ध ईरानले पक्राउ पुर्जी जारी गरेको छ । इरानले ट्रम्पलाई पक्राउ गर्न इन्टरपोलसँग सहयोगका लागि आग्रह समेत गरेको समाचार संस्था एपीले जनाएको छ । गत जनवरीमा अमेरिकी आक्रमणमा ईरानी सैन्य कमाण्डर कासिम सुलेमानीको मृत्यु भएको थियो ।

सोही हत्या घट्नाको आरोपमा इरानले ट्रम्पसहित तीस जनाविरूद्ध पक्राउ पुर्जी जारी गरेको अन्तराष्टिय संचारमाध्यमहरुले जनाएका छन् । तेहरानका अभियोजनका अली अल्क्वासिमेरले उनीहरूमाथि हत्या र आतंकवादको अभियोग लगाइएको बताए ।

ट्रम्पबाहेक अन्य को को अधिकारीहरु बिरुद्ध पक्राउ पुर्जी जारी गरियो भन्ने विषयमा केही खुलाईएको छैन । ट्रम्प राष्ट्रपतिबाट हटेपछि उनलाई पक्राउ गर्नसक्ने ईरानी अधिकारीहरुले बताएका छन् । इन्टरपोलले भने इरानी अनुरोधबारे कुनै प्रतिक्रिया दिएको छैन ।