हेटौँडा । बागमती प्रदेशसभा यही माघ १० गतेदेखि सुरु हुने भएको छ । प्रदेशसभा सचिवालयले यही १० गतेदेखि पाँचौँ अधिवेशन बस्नेगरी तयारी गरिरहेको छ । बागमती प्रदेशका सभामुख भुवनकुमार पाठकले अधिवेशन संचालनको तयारी भैरहेको जानकारी दिए । 
प्रदेश सरकारको सिफारिसमा प्रदेश प्रमुखले अधिवेशन आह्वान गर्ने व्यवस्था छ । सोही व्यवस्था बमोजिम प्रदेश सरकारले माघ १० गतेलाई अधिवेशन आह्वान गर्न प्रदेश प्रमुखलाई सिफारिस गर्ने भन्ने कुरा भएको छ, त्यहीअनुसार हामी अधिवेशन सञ्चालनको तयारीमा जुटेका छौँ, सभामुख पाठकले भने ।  

बागमती प्रदेशसभाको चौथो अधिवेशन असोज ७ गते सकिएको थियो । सो अवधिमा बसेका ३८ बैठकले चारवटा विधेयक पारित गरेको थियो भने पाँचवटा विधेयक समितिमा पठाएको थियो ।