सिन्धुपाल्चोक । नेपाल कम्युनिस्ट पार्टी (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल प्रचण्डले सिन्धुपाल्चोकको तातोपानी नाका संचालनमा ल्याउन उच्च स्तरिय पहल आवश्यक रहेको बताएका छन् । नाका पुरानै अवस्थामा सञ्चालन गर्न आफूले निरन्तर पहल गरिरहेको उनले बताए ।
सिन्धुपाल्चोकको सुकुटेमा आयोजित पत्रकार भेटघाट कार्यक्रममा उनले आफू प्रधानमन्त्री हुँदा र नहुँदा पनि तातोपानी नाका सञ्चालनका लागि पहल गरेको उल्लेख गर्दै तातोपानी नाका सञ्चालन गर्न चीन सरकारसँग पटकपटक कुराकानी भएको बताए । नाका पुनः सहज रूपमा सञ्चालनमा ल्याउनुपर्ने भन्दै प्रचण्डले त्यसका लागि दुई देशका माथिल्लो तहबाट पहल र प्रयत्न आवश्यक रहेको बताए ।
अध्यक्ष प्रचण्ड सुकुटेमा आयोजित भलिबल प्रतियोगिता उद्घाटन गर्न सिन्धुपाल्चोक आएका हुन् । उनले खेल प्रतियोगिताले सुकुटेको पर्यटन प्रवर्द्धनमा टेवा पुग्ने विश्वास व्यक्त गरे ।
