काठमाडौं । मंगलबार बिहान गएको भूकम्पले तिब्बतमा ९ जनाको मृत्यु भएको छ । नेपाल तिब्बत सीमानजिकै गएको ७ म्याग्नेच्युडको भूकम्पले उनीहरुको मृत्यु भएको हो । 

चिनियाँ समाचार संस्था ग्लोबल टाइम्सका अनुसार अहिलेसम्म तिब्बतमा ९ जनाको मृत्यु पुष्टि भइसकेको छ । राष्ट्रिय भूकम्प मापन केन्द्रका अनुसार तिब्बत र नेपालको सीमा क्षेत्रलाई केन्द्रविन्दू बनाएर मंगलबार बिहान ६ः५० बजे ७ म्याग्नेच्युडको भूकम्प गएको थियो।

पूर्वी पहाड, मधेस र काठमाडौं उपत्यकामासमेत केहीबेर भूकम्पको कम्पन महसुस गरिएको थियो। नेपालको पूर्वी पहाडमा अहिलेसम्म भूकम्पको क्षतिको विवरण प्राप्त भएको छैन।

सिन्धुपाल्चोकमा फुल्पिङकट्टीमा एउटा प्रहरी भवनमा क्षति पुगेको छ। अन्य स्थानमा प्रशासनले क्षतिको जानकारी लिइरहेको बताएको छ।