चरिकोट । दोलखामा गाडीको ठक्करबाट एकजनाको मृत्यु भएको छ । हाइलक्स गाडीको ठक्करबाट भीमेश्वर नगरपालिका –५ चोथाङका ५४ वर्षीय ज्ञान बहादुर तामाङको मृत्यु भएको हो । शुक्रबार दिउँसो भीमेश्वर नगरपालिका –६ महादेव खोलामा उक्त घट्ना भएको हो ।

सिन्धुपाल्चोकबाट दोलखा आउँदै गरेको प्रदेश नम्बर ३०१–०२४ च २६०४ नम्बरको हाइलक्सले ठक्कर दिँदा गम्भीर घाईते तामाङको उपचारका क्रममा मृत्यु भएको प्रहरीले जनाएको छ । 

उनलाई उपचारका लागि चरिकोटस्थित च्छोरोल्पा जनरल अस्पतालमा भर्ना गरिएकोमा त्यही मृत्यु भएको हो । शवलाई पोष्टमार्टमका लागि पशुपति चौलागाई स्मृती अस्पताल लगिएको छ । ठक्कर दिने सवारी चालक लिशंखु पाखर गाउँपालिका–७ का ५३ वर्षीय जेठा तामाङलाई प्रहरीले नियन्त्रणमा लिएको छ ।