चरिकोट । दोलखाको गौरीशंकर गाउँपालिकाको उपाध्यक्षमा नेकपा एमालेकी उमा शेर्पा विजयी भएकी छन्। निकटतम प्रतिद्वन्द्वी माओवादी केन्द्रकी निमलेकी शेर्पालाई २०५ मतान्तरले पराजित गर्दै उमा विजयी भएकी हुन्। उमाले २८०५ मत पाउँदा निमालेकीले २६०० मत प्राप्त गरिन् ।
यस्तै नेपाली कांग्रेसकी उमेद्वार पासदिकी तामाङले १७२७ मत पाएकी छन् । यहाँ रास्वपाले १००, राप्रपाले ११८, एकीकृत समाजवादीले ९० मा ल्याएका छन्। गौरिशंकरमा विजय हात पारेसँगै एमालेले जिल्लाकाे ९ मध्य उपाध्यक्ष जित्ने स्थानीय तहको संख्या ६ पुगेको छ। कांग्रेसले एक उपाध्यक्ष पद गुमाएको छ।
२०७९ को निर्वाचनमा माओवादीसँगको गठबन्धनमा कांग्रेसका श्याम सुन्दर तामाङ निर्वाचित भएका थिए। उनको निधनपछि यही मंसिर १६ गते उपनिर्वाचन भएको हो ।
गौरीशंकरमा उपाध्यक्ष पदका लागि आईतवार भएको मतदानमा ७ हजार ५ सय ९० अर्थात ४८.२९ प्रतिशत मत खसेको थियो ।
