काठमाडौं - नेपालमा थप ३ सय २३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा विकास देवकोटाले शनिबारको नियमित प्रेस ब्रिफिङमा उक्त जानकारी गराएका हुन् ।

योसँगै नेपालमा कोरोनाभाइरस संक्रमितको संख्या ३ हजार २ सय ३५ पुगेको छ ।

डा. देवकोटाले शनिबार थप ३२ जना कोरोना संक्रमण मुक्त भएको पनि जानकारी दिएका छन्। योसँगै कोरोना निको भएर घर फर्किनेको संख्या ३६५ पुगेको छ । जसमा २९९ पुरुष र ६६ जना महिला रहेका छन् ।