चरिकोट। दोलखाको तामाकोशी गाउँपालिकामा एक पुरुषले कुटपिट गरी श्रीमतीको हत्या गरेका छन् ।तामाकोशी गाउँपालिका-७ मा यो घटना भएको हो ।

श्रीमानको कुटपिटबाट मृत्यु हुनेमा २९ वर्षीया बिमला सुनुवार रहेका छन् । प्रहरीका अनुसार उनको मृत्यु श्रीमानको कुटपिटबाट भएको खुलेको छ। उनी आफ्नै घरमा मृत फेला परेपछि प्रहरीले घटनास्थल पुगेर अनुसन्धान सुरु गरेको थियो। विमलाको शरीरमा चोटपटक देखिएपछि घटना शंकास्पद देखिएको थियो । 

 शनिबार राति श्रीमानले मदिरा सेवन गरि कुटपीट गर्दा गम्भीर घाईते भएकी बिमलाको मृत्यु भएको प्रहरीले जनाएको छ । कुटपीटमा संलग्न मृतकका श्रीमान झपटबहादुर सुनुवारलाई प्रहरीले पक्राउ गरी थप अनुसन्धान अघि बढाएको छ।