काठमाडौँ । परराष्ट्रमन्त्री आरजु राणा देउवाले इजरायल र लेबनानमा रहेका नेपालीहरुको अवस्था बुझ्न निर्देशन दिएकी छन् । उनीहरुको अबस्था जानकारी लिएर (अपडेट) भइरहन उनले त्यहाँस्थित नेपली दूतावासहरुलाई निर्देशन दिएकी हुन् ।
मन्त्री रानाले आइतबार ती देशमा अवस्थित नेपाली राजदूतहरुसँग मन्त्रालयबाट भर्चुअल बैठक गरेकी थिईन् । त्यसक्रममा उनले इजरायल र लेबनानमा विकसित पछिल्लो परिस्थितिका बारेमा जानकारी लिईन् ।
सो बैठकमा मन्त्री राणाले पछिल्लो समयमा विशेषगरी लेबनानमा विकसित परिस्थितिका कारण त्यहाँ रहेका नेपालीको अवस्थाबारे नेपालमा चिन्ता बढिरहेकाले उनीहरूसँग सम्पर्कमा रहेर आवश्यक सहयोग गर्न निर्देशन दिएकी हुन् ।
मन्त्री राणाले भनिन्, ुकुनै पनि प्रकारले त्यहाँ रहेका सबै नेपालीहरुको सम्पर्कमा पुग्ने प्रयास गर्नु, कोही तत्कालै स्वदेश फर्कनका लागि सहयोग चाहनुहुन्छ भने त्यसका लागि समन्वय गर्नु र यदि त्यहाँबाट नेपाली नागरिकको उद्धार गरेर स्वदेश ल्याउनुपर्ने अवस्था आउनसक्छ भने त्यसका लागि पनि आवश्यक गृहकार्य गर्नु ।ु
मन्त्री राणाले सम्बन्धित देशका दूतावासहरुलाई सूचना जारी गरी सम्पर्क व्यक्ति तोक्न र आवश्यकताअनुसारका ‘हेल्पडेस्क’ स्थापना गरेर समस्यामा परेका नेपालीलाई आवश्यक सहायता र समन्वय प्रदान गर्न निर्देशन दिइन् ।
त्यहाँ हाल करिब एक हजार दुई सय नेपाली रहेका अनुमान गरिएको छ । उनीहरुमध्ये अधिकांश घरायसी काममा रहेका र केही सम्पर्कमा आईसकेको दुताबासले जनाएको छ ।
इजरायलका लागि नेपली कार्यवाहक राजदूत कुमार श्रेष्ठले इजरायलको अवस्था सामान्य रहेको र त्यहाँ रहेका करिब चार हजार पाँच सय नेपाली सुरक्षित रहेको बताए ।
