चरिकोट । दोलखाको झ्याकुमा भएको बोलेरो दुर्घट्नामा घाईते भएका दुई जनाको मृत्यु भएको छ ।  दुर्घटनामा गम्भीर घाईते भएका दुई महिलाको मृत्यु भएको हो । मृत्यु हुनेमा गौरीशंकर गाउँपालिका–३ झ्याकुकी अन्दाजी ७५ वर्षीया काली शेर्पा र अन्दाजी ५५ वर्षीया पसि शेर्पा रहेका छन् ।

उनीहरुलाई उपचारका लागि सिंगटी अस्पताल ल्याईएको थियो । अस्पताल ल्याईएको केहीबेरमै उनीहरुको मृत्यु भएको प्रहरीले जनाएको छ । 

सिंगटीबाट झ्याकु जाँदै गरेको बा २० च ७२६६ नम्वरको बोलेरो आज साँझ दुर्घट्ना भएको थियो ।  वडा कार्यालय नजिकै दुर्घटना हुँदा घाईते भएका ५ मध्ये दुई जनाको अवस्था गम्भीर थियो ।  अन्य घाईतेहरुको सिंगटी अस्पतालमा उपचार भैरहेको छ ।