चोरीको ल्यापटप र मोबाईल सहित चरिकोटबाट एक युवक पक्राउ
चरिकोट । चोरीको ल्यापटप र मोबाईल सहित चरिकोटबाट एक युवक पक्राउ परेका छन् । भीमेश्वर नगरपालिका वडा नम्बर ३ स्थित चरिकोट बजारमा नियमित चेकजाँचको क्रममा उनी पक्राउ परेका हुन् ।
पक्राउ पर्नेमा कालिञ्चोक गाउँपालिका वडा नम्बर २ घर भएका २२ वर्षिय राजु भन्ने अजिज थामी रहेका छन् । उनको साथबाट एकथान ल्यापटप र आइफोनसहित चार थान मोवाईल प्रहरीले बरामद गरेको छ ।
प्रहरीका अनुसार उक्त सामानहरु काठमाण्डौबाट चोरी ल्याएको अनुसन्धानबाट खुलेको छ । पक्राउ परेका युवकलाई सामान सहित कारवाहीको लागि प्रहरी वृत जनसेवा काठमाण्डौ पठाईएको दोलखा प्रहरीले जनाएको छ ।
प्रकाशित मिति: बिहीबार, भदौ २७, २०८१ २०:०८
प्रतिक्रिया दिनुहोस्
थप समाचार
साताको लोकप्रीय
