चरिकोट । दोलखाको कालिञ्चोक गाउँपालिका स्थित एक घरमा गएराती आगलागी भएको छ । कालिञ्चोक गाउँपालिका वडा नम्बर ६ को मार्केफारा स्थित धनकुमार थामी र उनका बुवाको घरा आगलागी भएको हो । स्थानीयका अनुसार विद्युत सर्ट भएर गएराती आगलागी हुँदा दुई वटा घर पूर्ण रुपमा नष्ट भएको छ ।

घरभित्र रहेकाहरुले आगलागी सुरु भएपछि भागेर ज्यान जोगाएका थिए । आगलागीबाट घर पुर्ण रुपमा जलेर नष्ट हुनुका साथै घरभित्र रहेका धन सम्पति, लत्ताकपडा, अन्नपात लगायतका सामान जलेर नष्ट हुँदा लाखौँको क्षति भएको छ ।