रोमानिया पठाईदिन्छु भनी २१ लाख ठगी गर्ने दोलखा मेलुङका एक पुरुष पक्राउ
-17042836381704290035.jpg)
काठमाडौं । रोमानिया पठाईदिन्छु भनेर ठगी गर्ने दोलखा मेलुङका एक पुरुषलाई प्रहरीले पक्राउ गरेको छ । पक्राउ पर्नेमा दोलखा जिल्ला मेलुङ गाउँपालिका वडा नम्बर २ का ५० वर्षिय ढाल बहादुर बुढाथोकी रहेका छन् ।
उनी हाल काठमाडौंको बाङ्गेमुढा बस्दै आएका थिए । उनले मिलन नेपालीसहित १४ जनालाई वैदेशिक रोजगारीको लागि रोमानिया पठाईदिन्छु भन्दै पटक पटक गरेर २१ लाख ३६ हजार लिएर सम्पर्कविहिन भएका थिए । खोजी गर्ने क्रममा उनलाई प्रहरीले आज काठमाडौंको असनबाट पक्राउ गरेको हो ।
पक्राउ परेका बुढाथोकीलाई थप अनुसन्धान र कारबाहीका लागि वैदेशिक रोजगार विभाग पठाईएको काठमाडौं उपत्यका अपराध अनुसन्धान कार्यालयले जनाएको छ ।
प्रकाशित मिति: बुधबार, पुस १८, २०८० १५:५७
प्रतिक्रिया दिनुहोस्
थप समाचार
साताको लोकप्रीय
