चरिकोट । दोलखाको कालिञ्चोक गाउँपालिकामा एक बृद्धा मृत अवस्थामा फेला परेकी छन् । कालिञ्चोक गाउँपालिका वडा नम्बर–३ लामिडाँडाकी करिब ७८ बर्षिया कृष्णमाया बुढाथोकी मृत अवस्थामा फेला परेकी हुन् । प्रहरीका अनुसार उनी आफ्नै छाराको कुटपिटबाट घाईते भएकी थिईन् ।

बृद्धालाई शुक्रबार आफ्नै घरको ढोका बाहिर मृत फेला पारेपछि स्थानीयले प्रहरीलाई खबर गरेका थिए । प्रहरीका अनुसार कृष्णमायालाई पुस १० गते आफ्नै छोरा करिब ३५ बर्षिय दिपक बुढाथोकीले घरायसी विवादमा कुटपिट गरेर हिँडेका थिए ।

बृद्धाको देब्रे आँखामुनि निलडाम देखिएको छ । शवलाई पोष्टमार्टमपछि आफन्तले जिम्मा लिएका छन् । कुटपिट गर्ने युवक फरार रहेको र खोजी कार्य भैरहेको प्रहरीले जनाएको छ ।