वाईसियल दोलखाको नेतृत्व परिबर्तन, संयोजकमा लामा चयन
चरिकोट । नेकपा माओवादी केन्द्र निकट युवा संगठन योङ कम्युनिष्ट लिग (वाईसियल) दोलखाको जिल्ला भेलाले नेतृत्व परिबर्तन गरेको छ । सदरमुकाम चरिकोटमा आज सम्पन्न भेलाले विनोद लामाको संयोजकत्वमा ३७ सदस्यीय जिल्ला समिति चयन गरेको हो । भेलाले सचिवमा दिपेन्द्र बुढाथोकीलाई सर्वसम्मत चयन गरेको छ ।
वाइसियल जिल्ला संयोजक साङ्गे शेर्पाको अध्यक्षतामा भएको जिल्ला भेलाको वाईसियल ईन्चार्ज रामप्रसाद सापकोटा (दिपशिखा) ले उद्घाटन गरे । भेला सुरु हुन भन्दा अघि वाइसियलले चरिकोटमा मोटरसाइकल ¥याली निकालेको थियो ।
भेलालाई नेकपा माओवादी केन्द्रका नेता एवं प्रतिनिधिसभाका सांसद गंगा कार्की (विश्व), नेतृ देवी खड्का, नेताहरु बिशाल खड्का, नरबहादुर पाख्रिन लगायतले सम्बोधन गरेका थिए ।
प्रकाशित मिति: बिहीबार, पुस १२, २०८० २०:४१
प्रतिक्रिया दिनुहोस्
थप राजनीति
साताको लोकप्रीय
