दुर्लभ बन्यजन्तु सालकको खपटासहित दोलखाका तीन युवक पक्राउ
काठमाडौं । दुर्लभ बन्यजन्तु सालकको खपडा सहित दोलखाका तीन युवक पक्राउ परेका छन् ।काठमाडौंको पेप्सीकोला दुर्लभ बन्यजन्तु सालकको खपडा बेचबिखन गरिरहेको सूचनाका आधारमा उनीहरू पक्राउ परेका हुन् ।
पक्राउ पर्नेमा गौरीशंकर गाउँपालिका वडा नम्बर १ का २० वर्षिय अमृत लामा, जिरी नगरपालिका ३ का २५ वर्षिय विशाल बस्नेत र जिरी नगरपालिका वडा नम्बर ४ का २७ वर्षिय सुकविर तामाङ रहेका छन् ।
उनीहरुको साथबाट प्रहरी टोलीले चेक जाँच गर्ने क्रममा ४४ ईन्च लम्बाई, २१ ईन्च चौडाई रहेको खुट्टाको नंग्रा सहितको सालकको खपडा/छाला जस्तो देखिने बस्तु बरामद गरेको छ । अभियुक्तहरुलाई पक्राउ गरी आवश्यक कारबाहीको लागी डिभिजन बन कार्यालय, हात्तिसार पठाईएको प्रहरीले जनाएको छ ।
प्रकाशित मिति: आइतबार, पुस १, २०८० १५:५९
प्रतिक्रिया दिनुहोस्
थप समाचार
साताको लोकप्रीय
