चरिकोट । अपरिचित व्यक्तिको कुटपिटबाट दोलखाको शैलुङ गाउँपालिकामा एक पुरुष घाईते भएका छन् । घाईते हुनेमा शैलुङ गाउँपालिका ६ का अन्दाजी ४५ वर्षिय काले तामाङ रहेका छन् । ढुङ्गेबाट छिमेकीको बिहेभोज खाई घर फर्कने क्रममा उनीमाथि खोकरेदोङ भन्ने जंगलमा कुटपिट भएको प्रहरीले जनाएको छ ।

प्रहरीका अनुसार घाईते तामाङको दुबै आँखामा चोट लागेको छ भने घाँटी र शरिको बिभिन्न भागमा समेत चोट लागेको छ । उनलाई भाई कुमार तामाङले अचेत अवस्थामा फेला पारी स्थानीय स्वास्थ्य संस्थामा प्राथमिक उपचारपछि थप उपचारका लागि काठमाडौं रिफर गरिएको छ ।

कुटपिट गर्ने व्यक्ति फरार रहेको र खोजी कार्य जारी राखी घट्नाबारे थप अनुसन्धान भैरहेको प्रहरीले जनाएको छ ।