चरिकोट । भन्सार छलेर दोलखा ल्याईदै गरेको सामान प्रहरीले बरामद गरेको छ । सर्लाहीबाट दोलखा आउँदै गरेको बा.प्र.०३–००१ च १४६९ नम्बरको पिकअप भ्यानमा ल्याईदै गरेको भन्सार छलिको सामान बरामद भएको हो ।

सिन्धुली स्थित ईलाका प्रहरी कार्यालय भिमानबाट खटिएको प्रहरी टोलीले उक्त पिकअपबाट ५० केजीको ५० बोरा भारतीय चिनि, मटर एक बोरा, निलकमल तेल २ कार्टुन बरामद गरेको हो ।

उक्त सामान दुई लाख ३२ हजार बरावरको भन्सार छलि ल्याईएको प्रहरीले जनाएको छ । प्रहरीका अनुसार पिकअप भ्यान र चालकलाई नियन्त्रणमा लिई अनुसन्धान कार्य भैरहेको छ ।