दोलखा सुरीका एक पुरुषको मोटरसाईकल दुर्घट्नामा मृत्यु
चरिकोट । दोलखाको गौरीशंकर गाउँपालिकाका एक पुरुषको मोटरसाईकल दुर्घट्नामा परी मृत्यु भएको छ । भीमेश्वर नगरपालिकामा भएको मोटरसाइकल दुर्घटनामा गौरीशंकर गाउँपालिका–५, सुरीका ४० वर्षिय रामकुमार खड्काको मृत्यु भएको हो ।
उनी काठमाडौंबाट चरिकोटतर्फ आउँदै गरेको प्रदेश २–४४ प ६८८३ नम्बरको मोटरसाइकलमा परेका हुन् । मंगलबार मध्यान्ह भीमेश्वर नगरपालिका ७ मा भएको दुर्घट्नामा गम्भिर घाईते भएका खड्कालाई उपचारका लागि दोलखा सामुदायिक अस्पतालमा भर्ना गरिएको थियो ।
उनको सोही अस्पतालमा उपचारका क्रममा मृत्यु भएको प्रहरीले जनाएको छ । अनियन्त्रित भई मोटरसाइकल दुर्घटना भएको हुनसक्ने प्रहरीको अनुमान छ ।
प्रकाशित मिति: मंगलबार, कात्तिक १४, २०८० १३:४६
प्रतिक्रिया दिनुहोस्
साताको लोकप्रीय
