श्रीमती र नातिनीलाई खुकुरी प्रहार गर्ने दोलखा तामाकोशीका एक पुरुष पक्राउ
चरिकोट । श्रीमती र नातिनीलाई खुकुरी प्रहार गर्ने दोलखाको तामाकोशी गाउँपालिकाका एक पुरुषलाई प्रहरीले पक्राउ गरेको छ । पक्राउ पर्नेमा तामाकोशी गाउँपालिका–५ झुलेका ७२ वर्षिय मोहनवहादुर कार्की रहेका छन् । कार्कीले आईतवार राती ६८ वर्षीया श्रीमती तारादेवी कार्की र ८ वर्षिया नातिनी सुहाना कार्कीलाई खुकुरी प्रहार गरी घाईते बनाएका थिए ।
दुवै जना गम्भीर घाईते अवस्थामा फेला परेपछि स्थानीयले प्रहरीलाई खबर गरेका थिए । घाईते दुवैलाई उपचारका लागि सदरमुकाम चरिकोट ल्याई च्छोरोल्पा अस्पताल भर्ना गरिएको छ ।
श्रीमती र नातिनीमाथि खुकुरी प्रहार गर्ने मोहनवहादुरको मानसिक स्थिति राम्रो नरहेको स्थानीयले बताएका छन् । घट्नाबारे थप अनुसन्धान अघि बढाईएको प्रहरीले जनाएको छ ।
प्रकाशित मिति: सोमबार, असोज ८, २०८० ०८:२१
प्रतिक्रिया दिनुहोस्
साताको लोकप्रीय
