विगु गाउँपालिकामा पहिरोले ४ घरमा क्षति, स्थानीयले भागेर ज्यान जोगाए
चरिकोट । दोलखाको विगु गाउँपालिका–३ ओलीटारमा पहिरोका कारण ४ घरमा क्षति पुगेको छ । अविरल वर्षापछि आएको पहिरोले ओलीटारका राजकुमार ओली, कमलप्रसाद ओली, उद्धवप्रसाद ओली र डम्बरप्रसाद ओलीको घरमा क्षति पु¥याएको हो ।
स्थानीय कुमार खड्काका अनुसार राति पहिरो आएपछि स्थानीयले घर छोडेर भागी ज्यान जोगाएका छन् । पहिराले भैंसी लगायतका चौपायासहित धानखेत पनि पुरेको उनले जानकारी दिए ।
पहिरोले उत्तरको मुख्य सिंगटी माथिल्लो तामाकोशी लामाबगर सडक बगाएपछि गौरीशंकर र विगु गाउँपालिकाका केही वडा सडक सम्पर्कबाट विच्छेद भएका छन् ।
प्रकाशित मिति: आइतबार, भदौ १०, २०८० ०७:३८
प्रतिक्रिया दिनुहोस्
साताको लोकप्रीय
