दोलखाको बिगुमा बाबुछोरा खोलामा परेर बेपत्ता
चरिकोट । दोलखाको बिगु गाउँपालिका ७ मा खोलामा परेर बाबु छोरा बेपत्ता भएका छन् । बिगु गाउँपालिका वडा नम्बर–७, का अन्दाजी ३५ वार्षिय निम्दोर्जे शेर्पा र उनका छोरा बेपत्ता भएका हुन् ।
नजिकैको जङ्गलमा निङग्रो टिप्न गएका उनीहरूलाई खोला किनारमा माथिबाट एक्कासी झरेको पहिरोले खोलामा बेपत्ता बनाएको हो । वडा अध्यक्ष दलबहादुर श्रेष्ठका अनुसार माथिबाट खहरेसँगै झरेको पहिरोले बाबुछोरालाई बेपत्ता बनाएको हो । तिनपाटे पाखामा निङ्ग्रो टिप्न गएका दुई जनालाई खहरेसँगै आएको पहिरोले बगाएर अम्माडोल खोलामा पुर्याएको र उनीहरु हराइरहेको उनले बताए ।
स्थानीय र प्रहरी घट्नास्थल पुगेर उनीहरुको खोजी कार्य जारी राखेका छन् । उनीहरुसँग निङ्ग्रो टिप्न गएका अर्का एक जना भने भागेर बाँच्न सफल भएको स्थानीयले जानकारी दिएका छन् ।
प्रकाशित मिति: आइतबार, साउन २८, २०८० १३:५४
प्रतिक्रिया दिनुहोस्
साताको लोकप्रीय
