काठमाडौं । राजस्व अनुसन्धान विभागले सुन तस्करी प्रकरणको थप अनुसन्धान गर्ने जिम्मा सीआईबीलाई दिने भएको छ । अहिलेसम्मको अनुसन्धान फाइल प्रहरी प्रधान कार्यालयमा बुझाउने तयारी छ । राजस्व अनुसन्धान विभागको टोलीले अनुसन्धान फाइल प्रहरी प्रधान कार्यालय र १८ जना अभियुक्त सीआईबीलाई बुझाउने तयारी छ ।

राजस्व अनुसन्धान विभागले आइतबारमात्र यो प्रकरणको सबै फाइल प्रहरीलाई बुझाउने निर्णय गरेको थियो । २ साउनमा विभागले त्रिभुवन विमानस्थलबाहिरबाट एक क्विन्टल सुन बरामद गरेको थियो ।

सो प्रकरणमा विभागले राजस्व चुहावट कसुरमा अनुसन्धान गरिरहेको थियो । गत शुक्रबार प्रधानमन्त्री पुष्पकमल दाहाल प्रचण्डले सुन प्रकरणमा संगठित अपराध पनि आकर्षित हुने भन्दै सीआईबीलाई अनुसन्धान गर्न निर्देशन दिएका थिए ।