चरिकोट । दोलखाको कालिञ्चोक गाउँपालिकामा एक पुरुष चार दिनदेखि बेपत्ता भएका छन् । बेपत्ता हुनेमा कालिञ्चोक गाउँपालिका वडा नम्बर ६ निवासी अन्दाजी ५८ वर्षिय मानबहादुर थामी रहेका छन् । उनी गत चारदिनदेखि बेपत्ता भएपनि अझै फेला पर्न नसकेको स्थानीयले जानकारी दिएका छन् ।
उनी गत १६ गते विहानदेखि बेपत्ता भएका हुन् । आफ्नो गोठबाट दाउरा घाँसमा गएका उनी अझै सम्पर्कमा नआएका हुन् ।
यता रामेछापको मन्थली नगरपालिका–१ मा पर्ने तामाकोशी किनारमा शनिबार साँझ एउटा शव फेला परेको छ । जिल्ला प्रहरी कार्यालय रामेछापका अनुसार शव अन्दाजी ४५ वर्षका पुरुषको हो । तमाकोशी किनारमा बेवारिसे शव फेला परेको स्थानीयले जानकारी दिएपछि जिल्ला प्रहरी कार्यालय रामेछापबाट सुरक्षाकर्मीको टोली पुगेको थियो ।
प्रहरी टोलीले घटना प्रकृति मुचुल्का तयार गरी अनुसन्धान अघि बढाएको प्रहरी निरीक्षक दिलीपकुमार थापाले जानकारी दिए ।
